LSO Nuus Maart 2018

  1. Baie geluk aan ons tweekamp span wat aangewys is as die tweede beste Laerskool Tweekampspan in die Bolandstreek! Ons is ongelooflik trots op hierdie prestasie.

Die volgende atlete was medalje wenners tydens die Boland-Kampioenskappe:

Anné van Zyl (Silwer – Dogters O/8), Carine Röntgen (Goud – Dogters O/9), Dieter Naudé (Goud – Seuns O/9) en Christie Engelbrecht (Silwer – Seuns O/11).

‘n Besondere woord van gelukwensing aan Dieter Naudé wat die Provinsiale en Suid-Afrikaanse rekord van Seuns O/9 verbeter het! Ons is baie trots.

Baie geluk ook aan die volgende atlete wat gekies is om op 30 – 31 Maart 2018 aan die SA-byeenkoms te Gauteng Noord te gaan deelneem:  Elizabeth Coetzer, Carine Röntgen, Dieter Naudé en Christie Engelbrecht.

Die skole-span wat Laerskool Olifantsvallei tydens die SA’s sal verteenwoordig is:

Esti Burger, Liani Nieuwoudt, Mia-Lize van derVyver, Paul-Louis Röntgen, Nina Engelbrecht, André van Zyl, Zian Naudé, Carine Röntgen, Dieter Naudé, Elizabeth Coetzer en Christie Engelbrecht.

2. Ons O/13-krieketspan het op Maandag, 26 Februarie, hul interskole wedstryd teen Augsburg Landbougimnasium gespeel. Ons het besluit om eerste te kolf en kon net daarin slaag om 46 lopies aan te teken. Dugan Hanekom teken 18 lopies aan en Llewellyn Fransman 12. Die manne moes toe teen ‘n baie lae telling veldwerk doen. Met akkurate boulwerke en uitmuntende veldwerk kon ons daarin slaag om die wedstryd met 7 lopies te wen! Wat ‘n oorwinning! Ons is baie trots op hierdie seuns!

3.Op Woensdag, 28 Februarie 2018, het die mini-krieket interskole plaasgevind. Die manne het dit vreeslik geniet. Dit was sommige spelers se eerste wedstryd. Ons het ongelukkig albei wedstryde verloor, maar stap met trots weg. Dankie aan die “Mamma’s” vir hul pragtige gees en ondersteuning van ons spelers.

4.Die interskole swemgala het Laerskool Olifantsvallei oortuigend gewen en ons wens elke swemmer geluk met hul pragtige sportmansgees!

5.Die tennisinterskole het hierdie jaar ‘n nuwe baadjie aangetrek en ons opponente verwelkom met die oorhandiging van ‘n koeldrank, ‘n sjokolade en ‘n stewige handdruk deur me. Carla Hough. Spangees het hooggety gevier! Die dogtersspan het goed gevaar, maar net-net verloor. Ons seunsspan het goeie wedstryde gehad, maar Augsburg Landbougimnasium was net te sterk. Die middag het ons afgesluit met gemengde dubbels wat groot pret verskaf het.

 

Neem asseblief kennis dat dieselfde dogters- en seunspanne Dinsdag, 6 Maart 2018, teen Dirkie Uys kragte sal meet. Die vertrektyd van die bus sal Maandag aan die spelers deurgegee word.

6.Die O/11-krieketspan het op 21 Februarie 2018 kragte gemeet teen Hoërskool Piketberg. Ons het die lood gewen en besluit om eerste te kolf. Die beste kolwer was Paul-Louis Röntgen met 34 lopies. Die beste bouler van die wedstryd was Cyril Titus met een paaltjie. Die veldwerkers van die dag was Christie Engelbrecht en Shermario Marshall. Ons het die wedstrydgewen met 34 lopies. Baie geluk aan die O/11’s wat hierdie wedstryd met lof gewen het. Hulle maak ons werklik trots.

Op Woensdag, 28 Februarie 2018, het ons Interskole teen Augsburg Landbougimnasium gespeel. Hulle het die lood gewen en besluit om eerste veldwerk te doen. Die beste kolwer was Paul-Louis Röntgen en die beste bouler was Mcalister Boer. Die veldwerker van die dag was Christie Engelbrecht. Dit was ‘n goeie wedstryd, maar ongelukkig moes ons die knie buig.

7.Baie geluk aan die volgende swemmers wat aan Gericke

  se swemgala deelgeneem het:

Vlinderslag:  Mia-Lize van der Vyver (Goud), Dieter Naudé

(Goud), Carine Röntgen (Goud), Christie Engelbrecht (Goud),

Zian Naudé (Goud), Nina Engelbrecht (Goud) en Paul-Louis

Röntgen (Brons).

Rugslag:  Dieter Naudé (Goud),Carine Röntgen

(Goud en ‘n nuwe rekord), Esti Burger (Silwer) en Christie

Engelbrecht (Silwer).

Borsslag:  Alizmi van der Vyver (Goud), Dieter Naudé (Goud),

Mia-Lize (Goud), Carine Röntgen (Silwer), Paul-Louis

Röntgen (Silwer), Herman Engelbrecht (Brons) en

Zian Naudé (Brons).

Vryslag:  Wian van der Merwe (Goud), Dieter Naudé (Goud),

Carine Röntgen (Goud en nuwe rekord), Mia-Lize van der

Vyver (Goud), Christie Engelbrecht (Goud), Nina Engelbrecht

(Silwer), Alizmi van der Vyver (Silwer), Elizabeth Coetzer

(Brons), Esti Burger (Brons) en Herman Engelbrecht (Brons).

Carine verbeter 2 rekords

8.Baie sterkte aan ons O/11-, O/12 en O/13-netbaldogters wat op Donderdag, 22 Maart 2018, aan die netbalproewe te Piketberg sal deelneem.

9.Ons herinner u net weer daaraan dat die O/12- en O/13-netbaldogters asook die O/13-rugbyseuns op Maandag, 5 Maart 2018, met oefening begin. Hierdie spanne neem aan Hoërskool Porterville se Sportdag deel, wat op 23 Maart 2018, plaasvind.

10.Baie sterkte aan ons mini-krieket spelers wat op môre aan die jaarlikse Mini-Krieketdag van Laerskool Koue Bokkeveld deelneem. Die dag is daarop gemik om spelers te ontwikkel. Spelers wat hieraan gaan deelneem het reeds briewe ontvang.

11.Ons skool is weer uitgenooi om aan die Conquesta Olimpiade deel te neem. Elke leerder het reeds hul inskrywingsvorm ontvang. Let asseblief daarop dat die sluitingsdatum vir inskrywings Vrydag, 9 Maart 2018, is. Die koördineerder is Mev. Elzette Hamman.

LSO Nuus 23 Februarie

  1. Laerskool Olifantsvallei is baie trots op ons nuwe graad 1-leerder,

       Junior Dirks, wat ‘n 2de plek in die Boland Atletiek-byeenkoms behaal het.                      Dit beteken dat hy die tweede vinnigste 60m atleet in sy ouderdom (O/7) in die            hele Bolandstreek is. Junior kan ongelukkig nog nie aan die SA’s deelneem nie,            aangesien atlete eers van 10 jarige ouderdom daaraan kan deelneem.

        Baie geluk met hierdie puik prestasie!

         Hou hierdie atleet dop, want hy het baie potensiaal om nogver te kom met sy                talent.

  1. Baie sterkte aan ons tweekamp-atlete wat môre aan die Boland Kampioenskappe te Wellington gaan deelneem. Baie sterkte aan elke atleet, want die Bolandspan wat SA’s toe gaan, word tydens hierdie byeenkoms gekies en so ook die top 3-tweekamp skole in die Bolandstreek.
  1. Ons tennisspanne het die week teen Porterville kragte gemeet. Dankie aan elke speler vir hul goeie sportmangees. Die eerste span het ongelukkig 8 – 4 verloor en die tweede span het gelykop gespeel.

        Neem asseblief kennis dat ons op Dinsdag, 6 Maart 2018, teen Dirkie Uys te                Moorreesburg speel. Verdere inligting sal later aan die spelers deurgegee word.            Die wedstryde wat op Donderdag, 8 Maart 2018, sou plaasvind is deur Piketberg          gekanselleer as gevolg van hul toetsreeks wat dan reeds begin het.

  1. Baie sterkte aan ons leerders wat op 27 Februarie aan die Gericke Uitnodigingsgala gaan deelneem.
  1. Die O/13-Krieketspan het op Woensdag, 21 Februarie 2018, kragte teen Porterville gemeet. Porterville het eerste gekolf en kon net daarin slaag om 30 lopies aan te teken. Ons manne het hulle telling in die derde beurt verbygesteek en wen die wedstryd met 8 paaltjies. Baie geluk!

         Op Donderdag, 22 Februarie 2018, wen ons O/13-krieketspan vir Hoërskool                   Piketberg met 66 lopies. Ons is baie trots op hulle!

  1. Die O/11-krieketspan het gister kragte teen Hoërskool Piketberg gemeet. Ons het die loot gewen en ons het eerste gekolf. Die beste kolwer was Paul-Louis Röntgen met 34 lopies. Die beste bouler was Cyril met 1 paaltjie. Die veldwerkers van die dag was Christie Engelbrecht en Shermario Marshall. Laerskool Olifantsvallei het met 34 lopies gewen. Baie geluk!
  1. Die skool het heelwat sluitkassies beskikbaar, wat minimaal gebruik word. Kostes daaraan verbonde is slegs R30 per kwartaal. Leerders kan sodoende hul take, ekstra boeke, ensovoorts veilig bêre. Ouers voorsien die slot en ’n spaar sleutel word in die kantoor gehou vir indien die leerder sy/haar sleutel verloor of vergeet. Leerders wat belangstel, moet so spoedig moontlik hul name by mev. Vorster ingee, sodat ’n spesifieke nommer aan elke leerder toegeken kan word.
  1. Neem asseblief kennis van ons Beheerliggaam Verkiesing op Maandag, 12 Maart 2018, om 18:00 in die skoolsaal. Indien daar nie ‘n korum bereik kan word nie, sal dit weer op Donderdag 15 Maart 2018, gehou word. Nominasie-vorms kan by die kantoor afgehaal word en in die stembus geplaas word.
  1. Die somer-interskole teen Augsburg Landbougimnasium vind volgende week by ons plaas. Neem asseblief kennis van die volgende datums:
  • Maandag
    • 26 Februarie 2018 O/13-Krieket (15:00)
  • Woensdag
    • 28 Februarie 2018 Mini-krieket twee spanne (13:30)
    • O/11-Krieket (15:00)
  • Donderdag
    • 1 Maart 2018 Tennis – 4 seuns / 4 dogters (13:00)
    • Swem (16:30) Beste 3 swemmers van swemgala.
  1. Ons wil vir al ons leerders ‘n veilige hawe skep, waar hulle elke dag die lewekan    geniet.

    Daarom het ons ‘n nuwe projek begin waar leerders wat moontlik deur boelies      gepla word, te help. Ons wil ons kinders teen boelies beskerm, maar aan die           ander kant moet ons hulle ook bemagtig om dit te kan hanteer. ‘n “Anti-Boelie-    houtboksie” sal in die gang opgesit word, waar leerders briefies kan ingooi. Hulle  sal tydens Maandag se saalbyeenkoms meer inligting ontvang.

  1. Rugby Skills and Development se rugbykliniek was ’n groot sukses verlede jaar en ons hoop om weer ‘n groot opkoms te hê. Die jong opkomende rugbyspelers het dit vreeslik geniet! Oefentye vir Graad 1 tot 3-leerders is Woensdae om 13:05 tot 13:35. Besoek gerus hul webtuiste indien u meer inligting benodig: rsd4kt.co.za of kontak Raymond Henwick by:

        021-8895643 / 079 948 1028 / raymond@rsd4kt.co.za

  1. Die O/12-netbal, O/13-netbal en O/13-rugbyoefeninge begin reeds op 5 Maart 2018. Die eerste wedstryde vind op 23 Maart 2018 te Porterville plaas.
  1. Graad 1 en 2-tennisoefeninge en tweekamp oefeninge gaan nog voort, maar alle ander somer sport eindig op 8 Maart 2018.
  1. Ons ondervind heelwat probleme om ouers te kontak en u samewerking in verband hiermee sal opreg waardeer word! Stel die skool asseblief dadelik in kennis as u selfoonnommer Een of albei ouers moet ten alle tye gekontak kan word, anders kan u ’n alternatiewe nommer aan ons deurgee. Indien ’n leerder beseer of siek word en ouers nie bereik kan word nie, plaas dit die skool in ‘n moeilike situasie.

        U samewerking in verband hiermee sal opreg waardeer word.

  1. Indien daar nog enige ouer(s) is wat graag sal wil hê dat hul kinders aan die Podiumpret lees- en redenaarskompetisie moet deelneem, moet hul asseblief so vinnig moontlik met mev.Steyn in verbinding tree. Die eerste ronde van hierdie kompetisie vind reeds 8 Maart 2018 plaas. Alhoewel ons reeds aan die begin van die jaar ouers oor hierdie kompetisie ingelig het, is daar tot dusver baie min inskrywings.
  1. Ons benodig ou tydskrifte vir ons remediëring klasse en sal dit waardeer as u dalk al u ou tydskrifte skool toe kan stuur.
  1. Die toetsreeks begin op Maandag, 12 Maart 2018. Alle leerders sal op 26 Februarie 2018, hul afbakening per vak ontvang, wat in hul boeke geplak moet word. Aangeheg is die toetsrooster vir u gerief.
  1. Ons jaarlikse Eisteddfod vind op Vrydag, 20 April 2018, plaas. Sterkte aan al die leerders met hul oudisies.
  1. ‘n Opregte woord van dank aan Janneman Nieuwoudt (JJ Engenering) vir die borg van ons tweekamp-atlete se sakke. U positiewe gesindheid teenoor Laerskool Olifantsvallei word waardeer.
  1. Die onderwysers hou Markdag op 2 Maart 2018! Kom ondersteun asseblief vir Laerskool Olifantsvallei. Sien aangehegte bestelvorm wat asseblief voor/op 26 Februarie 2018 terug by die skool moet wees. Sit asseblief die korrekte bedrag in ‘n koevert saam met bestelling!   

LSO Nuus 16 Februarie

  1. Laerskool Olifantsvallei het vanjaar behoorlik Valentynsdag gevier soos u op al die foto’s kan sien. ‘n Opregte woord van dank aan ons prefekte en hul ouers asook me. Leandré Claassen en mnr. Henlo Davel vir hul inisiatief en moeite om Valentynsdag nog meer spesiaal vir ons leerders te maak.
  2. Op Saterdag, 10 Februarie 2018, het 21 van ons skool se atlete gaan deelneem aan die Wes-Boland-byeenkoms te Moorreesburg. Ons is baie trots om u te kan meedeel dat vier van ons atlete deur is na die Boland-byeenkoms. Baie geluk aan: Junior Dirks (2de plek in 60m en 1ste plek in 80m), Cayron Oerson (4de plek in 70m-hekkies), Mia-Lize Van der Vyver (4de plek in gewigstoot) en Jacquin Jacobs (4de plek in die 80m). Hierdie vier atlete neem môre aan die Boland-byeenkoms te Dal Josafat Stadion in die Paarl deel. Sterkte aan hierdie atlete – ons is baie trots op hierdie uitsonderlike prestasie.
    1. Op Saterdag, 10 Februarie 2018, het van ons tennisspelers aan die Wilson Tennnis-toernooi te Stellenbosch deelgeneem. André van Zyl het 1ste en Nina Engelbrecht 3de in die B-Liga (Silwerplaat) geëindig. Baie geluk en ons is baie trots op hulle! Ons tennisspan het ook op Dinsdag, 13 Februarie 2018, kragte teen Riebeek Kasteel gemeet. Hulle was ‘n baie sterk skool, maar ons spelers het nie moed opgegee nie. Hulle het steeds elke pot, kop om hoog, gespeel. Mia-Lize

    van der Vyver het haar puik van haar taak gekwyt en haar enkels 6 – 4 gewen. Baie geluk! Die volgende wedstryd sal op Dinsdag, 20 Februarie 2018, te Porterville plaasvind.

  1. n Hoërskool Piketberg van Maandag skuif na Donderdag, 22 Februarie 2018. Die bus vertrek direk na skool, daarom moet die leerders hul middagete, water en sonblok saambring skool toe.
  2. Voornemende ouers neem asseblief kennis van die belangrike datum wat onthou moet word wanneer u vir 2019 by Laerskool Olifantsvallei om ‘n plek vir u kind aansoek doen: Inskrywings sluit op 23 Maart 2018 / Ouers word in kennis gestel teen 22 Junie 2018 / Ouers bevestig aanvaarding voor 23 Julie 2018  / Skool vul beskikbare plekke in derde kwartaal.
  3. Die Uitnodigingsgala was weer ‘n groot sukses met 13 skole wat deelgeneem het. Baie dankie aan die OOV vir die heerlike versnaperinge. Baie geluk aan elke leerder vir die puik prestasies en almal se goeie sportmangees. Laerskool Olifantsvallei wen 16 goue medaljes, 15 silwer medaljes en 20 brons medaljes. Oorhandiging van medaljes sal tydens Maandag se saalbyeenkoms plaasvind. Baie geluk aan die volgende leerders wat rekords verbeter het: Christie Engelbrecht (60m Vryslag en 30m Vryslag), Carine Röntgen (30m Vryslag, 60m Borsslag, 60m Vryslag en 30m Vlinderslag), Dieter Naudé (60m Vryslag en 30m Vlinderslag), Nina van der Merwe (30m Vryslag) en Zian Naudé (60m Borsslag.)
  1. Die onderwysers hou Markdag op 2 Maart 2018! Kom ondersteun asseblief vir Laerskool Olifantsvallei. Sien aangehegte bestelvorm wat asseblief voor/op 26 Februarie 2018 terug by die skool moet wees.

 

Ons nuwe webwerf is amper reg!

Laerskool Olifantsvallei is baie trots om die nuwe webtuiste aan die publiek bekend te stel. Dit is ons voorreg om vir Mnr. Andre Mostert deel te gehad het in die projek en byoorbaat sê ons baie dankie! Inligting rakende die skool en aktiwiteite sal op die webtuiste beskikbaar wees. Ons moedig ook alle ouers en lede van die LSO gemeenskap om ons skool te soek op Facebook en ‘n vrienskap uitnodiging aan ons te stuur. Ons is baie eiwerig om met al ons LSO ondersteuners in kontak te kom.